பெண் குழந்தை ஆரோக்கியத்தில் தேவை அதிக கவனம்!

by admin-blog-kh | March 7, 2026 9:39 am

ஒரு பெண் குழந்தை பிறந்தது முதல் பருவம் அடையும் வரை – உடல், மனம், ஹார்மோன் என எல்லா அளவிலும் மாற்றங்கள் நிகழ்கின்றன. இந்த மாற்றங்களைச் சரியாக புரிந்துகொண்டு கவனித்தால் மட்டுமே அவர்களுக்கு ஆரோக்கியமான எதிர்காலத்தை நாம் உறுதி செய்ய முடியும்.

பெண் குழந்தைகளுக்கே உரிய ஆரோக்கிய சவால்கள் 

பெண் குழந்தைகளுக்கு சிறுநீர் பாதை தொற்று (UTI)[1] வரும் வாய்ப்பு ஆண் குழந்தைகளைவிட அதிகம். பிறப்புறுப்புப் பகுதியை சுத்தமாக வைத்திருக்கும் பழக்கத்தை சிறு வயதிலேயே கற்றுக்கொடுக்க வேண்டும். காய்ச்சலுடன் சிறுநீர் கழிக்கும்போது வலி, அடிக்கடி சிறுநீர் கழித்தல் போன்ற அறிகுறிகள் தெரிந்தால் உடனடியாக மருத்துவரை அணுகவும். தைராய்டு பிரச்னை[2], திடீர் எடை மாற்றம், முடி கொட்டுதல், வளர்ச்சியில் மந்தம் தெரிந்தாலும் பரிசோதனை அவசியம்.

இரும்பு, கால்சியம், வைட்டமின் D – ஏன் முக்கியம்? 

வளரிளம் பருவத்தில் மாதவிடாய் தொடங்கும்போது இரும்புச் சத்து தேவை இரட்டிப்பாகும். முகம் வெளிறுதல், விளையாடும்போது சீக்கிரம் மூச்சு வாங்குதல், கவனம் சிதறுதல்… இவை ரத்த சோகையின் (Anemia) அறிகுறிகள்[3]. முருங்கைக்கீரை, பேரீச்சம்பழம், சுண்டல் போன்றவற்றை வழக்கமாகத் தரவும். கேழ்வரகு, பால், எள்… இவை கால்சியம் தரும்; பிற்காலத்தில் எலும்பு தேய்மானம் (Osteoporosis) வராமல் பாதுகாக்கும்[4]. காலை நேர சூரிய ஒளியில் 15 நிமிடம் விளையாட வைத்தாலே போதுமான வைட்டமின் D கிடைக்கும்.

HPV தடுப்பூசி – ஓர் உயிர் காக்கும் கவசம் 

கருப்பை வாய் புற்றுநோய்க்கு 90% காரணமாக இருக்கும் HPV வைரஸை தடுப்பூசி மூலம் முறியடிக்கலாம்[5]. 9 முதல் 14 வயதுக்குள் இந்த ஊசியைப் போடுவதே சிறந்தது. இந்த வயதில் நோய் எதிர்ப்பு சக்தி மிகவும் வலுவாக உருவாகும். 15 வயதுக்கு முன் இரண்டு தவணைகளும் (6 மாத இடைவெளியில்), பிறகு மூன்று தவணைகளும் தேவை. ருபெல்லா (German Measles) தடுப்பூசியும் பருவமடைவதற்கு முன்பே போட்டுவிடுவது எதிர்காலத்தில் கருவுறும்போது குழந்தைக்குப் பாதுகாப்பு தரும்.

Also Read: இனிப்பு திகட்டும்போது…[6]

பருவமடைதல் – எப்போது, என்னென்ன கவனிக்க வேண்டும்? 

இந்தியப் பெண் குழந்தைகள் பொதுவாக 9 முதல் 13 வயதுக்குள் பருவமடையத் தொடங்குவார்கள். மார்பக அரும்பு (Breast Budding) தோன்றுவது முதல் அறிகுறி; இரண்டு ஆண்டுகளில் மாதவிடாய் தொடங்கும். 8 வயதுக்கு முன்பே உடல் மாற்றங்கள் தெரிந்தால் ‘முன்கூட்டியே பருவமடைதல்’ (Precocious Puberty) என்பதற்கான மருத்துவ ஆலோசனை தேவை. 13 வயது வரை எந்த மாற்றமும் இல்லையெனில் அல்லது 15 வயது வரை மாதவிடாய் வராவிட்டால் – அது ‘தாமதமான பருவமடைதல்’. உடனே நிபுணரை அணுகவும். ஹார்மோன் மாற்றங்களால் மனநிலை மாற்றம், தனிமை விரும்புதல் இயற்கையானது. அவர்களுடன் நண்பர்களாகப் பேசுவது மிகவும் அவசியம்.

PCOS – இளம் பெண்களுக்கான புதிய அச்சுறுத்தல் 

இன்றைய இந்தியாவில் பத்தில் ஒரு டீனேஜ் பெண்ணுக்கு PCOS பிரச்னை இருக்கிறது[7]. முறையற்ற மாதவிடாய், முகம் மற்றும் உடலில் அதிக முடி வளர்ச்சி, கட்டுப்படாத முகப்பரு, வயிற்றுப் பகுதியில் திடீர் சதை போடுதல் – இவை அறிகுறிகள். மாத்திரைகளைவிட உணவுமுறை மாற்றமே சிறந்த மருந்து: சர்க்கரை மற்றும் மைதாவைத் தவிர்க்கவும்; தினமும் 45 நிமிடம் உடற்பயிற்சி; 5-10% உடல் எடை குறைப்பு ஆகியவை இப்பிரச்னையிலிருந்து மீள உதவும்.

மூன்று முக்கிய ஆலோசனைகள் 

  1. தினமும் கீரை, பருப்பு, பால் சேர்ந்த சத்தான உணவு – ஜங்க் உணவுகளை குறைக்கவும்.
  2. தினமும் ஒரு மணி நேரம் வெளியில் விளையாடவிடுங்கள் – மனநலமும் உடலும் சேர்ந்தே வளரும்.
  3. உடல் மாற்றங்கள் குறித்து 8 வயதிலேயே அன்போடு பேசுங்கள்; Good Touch, Bad Touch கற்றுக் கொடுங்கள் – நம்பிக்கை கொண்ட குழந்தையே பாதுகாப்பான குழந்தை!

இந்தியாவில் பத்தில் ஒரு டீனேஜ் பெண்ணுக்கு PCOS பிரச்னை இருக்கிறது. HPV தடுப்பூசியை 9-14 வயதில் போட்டால் கருப்பை வாய் புற்றுநோயை வாழ்நாள் முழுவதும் தடுக்கலாம்[8]. பெண் குழந்தைகளின் ஆரோக்கியத்தை ஆரம்பத்திலேயே கவனித்தால் எதிர்காலம் பாதுகாப்பானது!

இந்த அறிகுறிகள் தெரிந்தால் உடனே மருத்துவரை அணுகவும்

• 8 வயதுக்கு முன்பே உடல் மாற்றங்கள்
• 13 வயதில் பருவமடைதல் அறிகுறி இல்லாமை
• 15 வயதில் மாதவிடாய் வராமை
• முகம் வெளிறுதல், அதிக சோர்வு (ரத்த சோகை)
• திடீர் எடை மாற்றம், தைராய்டு சந்தேகம்

 

Dr. மேகநாதன் MBBS, MD (Paediatrics)[9]
குழந்தை நல நிபுணர்
மா காவேரி மருத்துவமனை, திருச்சி[10]

 

Kauvery Hospital is globally known for its multidisciplinary services at all its Centers of Excellence, and for its comprehensive, Avant-Grade technology, especially in diagnostics and remedial care in heart diseases, transplantation, vascular and neurosciences medicine. Located in the heart of Trichy (Tennur, Royal Road and Alexandria Road (Cantonment), Chennai (Alwarpet, Radial Road & Vadapalani), Hosur, Salem, Tirunelveli and Bengaluru, the hospital also renders adult and paediatric trauma care.

Chennai Alwarpet – 044 4000 6000 • Chennai Radial Road – 044 6111 6111 • Chennai Vadapalani – 044 4000 6000 • Trichy – Cantonment – 0431 4077777 • Trichy – Heartcity – 0431 4077777 • Trichy – Tennur – 0431 4022555 • Maa Kauvery Trichy – 0431 4077777 • Kauvery Cancer Institute, Trichy – 0431 4077777 • Hosur – 04344 272727 • Salem – 0427 2677777 • Tirunelveli – 0462 4006000 • Bengaluru – 080 6801 68011

Endnotes:
  1. பெண் குழந்தைகளுக்கு சிறுநீர் பாதை தொற்று (UTI): https://www.kauveryhospital.com/blog/urology/tips-to-prevent-urinary-tract-infection-in-women/
  2. தைராய்டு பிரச்னை: https://www.kauveryhospital.com/blog/vaazhga-nalamudan/small-element-big-impact/
  3. ரத்த சோகையின் (Anemia) அறிகுறிகள்: https://www.kauveryhospital.com/blog/family-and-general-medicine/anemia-causes-treatment-and-prevention/
  4. பிற்காலத்தில் எலும்பு தேய்மானம் (Osteoporosis) வராமல் பாதுகாக்கும்: https://www.kauveryhospital.com/blog/orthopedics/what-women-should-know-about-osteoporosis/
  5. கருப்பை வாய் புற்றுநோய்க்கு 90% காரணமாக இருக்கும் HPV வைரஸை தடுப்பூசி மூலம் முறியடிக்கலாம்: https://www.kauveryhospital.com/blog/vaazhga-nalamudan/cervical-cancer-is-completely-curable/
  6. இனிப்பு திகட்டும்போது…: https://www.kauveryhospital.com/blog/vaazhga-nalamudan/when-the-sweetness-becomes-overwhelming/
  7. இன்றைய இந்தியாவில் பத்தில் ஒரு டீனேஜ் பெண்ணுக்கு PCOS பிரச்னை இருக்கிறது: https://www.kauveryhospital.com/blog/obstetrics-and-gynecology/pcos-all-you-need-to-know-to-conquer-it/
  8. கருப்பை வாய் புற்றுநோயை வாழ்நாள் முழுவதும் தடுக்கலாம்: https://www.kauveryhospital.com/blog/cancer/cervical-cancer-basics-you-should-know/
  9. Dr. மேகநாதன் MBBS, MD (Paediatrics): https://www.kauveryhospital.com/doctors/trichy-cantonment/paediatrics/dr-meganathan/
  10. மா காவேரி மருத்துவமனை, திருச்சி: https://www.kauveryhospital.com/maa-kauvery-trichy/women-children-hospital/

Source URL: https://www.kauveryhospital.com/blog/vaazhga-nalamudan/greater-attention-needed-for-the-health-of-girl-children/

Copyright ©2026 Kauvery Blog unless otherwise noted.