‘பிளாஸ்டிக் சர்ஜரி’ என்று சொன்னவுடன் பலர் நினைப்பது அழகுபடுத்தும் அறுவை சிகிச்சையை மட்டும்தான். உண்மையில், எங்கள் துறையின் பெரும்பகுதி மறுசீரமைப்பு அறுவை சிகிச்சைதான். விபத்து, தீக்காயம், புற்றுநோய் சிகிச்சை, பிறவிக் குறைபாடுகள், நீண்ட நாள் ஆறாத புண்கள் ஆகியவற்றுக்குப் பிறகு உடலின் செயல்பாட்டையும் தோற்றத்தையும் மீட்டெடுப்பதே இதன் நோக்கம். முகம், கைகள், கால்கள், உடல் என அனைத்துப் பகுதிகளிலும் நாங்கள் பணியாற்றுகிறோம். அழகியல் அறுவை சிகிச்சை ஒரு பகுதிதான்; பெரும்பகுதி, நோயாளிகள் தங்கள் செயல்திறனையும் சுதந்திரத்தையும் தன்னம்பிக்கையையும் மீண்டும் பெற உதவுவதே எங்கள் இலக்கு.
இதன் தாக்கம் தோற்றத்தைத் தாண்டியது. கடுமையான மின்சாரத் தீக்காயத்தால் கையின் பல விரல்கள் பாதிக்கப்பட்ட ஒரு சிறுவன் இன்னும் என் நினைவில் இருக்கிறான். அவன் கையின் முக்கியச் செயல்திறனையே இழக்கும் அபாயம் இருந்தது. ஃபிளாப் மறுசீரமைப்பு அறுவை சிகிச்சை மற்றும் மறுவாழ்வுப் பயிற்சியின் மூலம் அந்தக் கையைக் காப்பாற்றினோம். பின்னர் பரிசோதனைக்கு வந்தபோது, அவன் மீண்டும் எழுத முடிந்ததைக் காட்டியது, என் வாழ்க்கையின் மகிழ்ச்சியான தருணங்களில் ஒன்று. ஒரு குழந்தைக்குப் பேனாவைப் பிடித்து எழுதுவது சாதாரணமாகத் தோன்றலாம்; ஆனால், அத்தகைய காயத்துக்குப் பிறகு, அது இயல்பு வாழ்க்கைக்கான திரும்புதல் மிக முக்கியம்.
புற்றுநோய் மறுசீரமைப்பிலும் இந்த மாற்றம் வியக்கத்தக்கது. உதாரணமாக, தாடைப் புற்றுக் கட்டிகளை அகற்றிய பிறகு, உடலின் வேறு பகுதியிலிருந்து எடுக்கப்படும் எலும்பையும் திசுக்களையும் கொண்டு, நுண் ரத்தக்குழாய் நுட்பங்கள் மூலம் தாடையை மீண்டும் அமைக்கிறோம். இது முகத் தோற்றத்தை மட்டுமல்ல… பேசவும் உண்ணவும் மற்றவர்களுடன் தன்னம்பிக்கையுடன் பழகவும் உள்ள திறனையும் திரும்பத் தருகிறது. மறுசீரமைப்பு என்பது வெறும் திசுக்களைக் கட்டியெழுப்புவது அல்ல; அது செயல்திறனையும் கண்ணியத்தையும் சுயமரியாதையையும் மீட்டெடுப்பது.
சில நிலைகளில் முன்கூட்டியே செய்யப்படும் சிகிச்சை மிக முக்கியம். பிளவுபட்ட உதடு அல்லது அண்ணம் கொண்டு பிறக்கும் குழந்தைகளை, பிறந்த உடனேயே மதிப்பீடு செய்ய வேண்டும். வயதுக்கேற்பத் திட்டமிட்டுச் செய்யப்படும் சரியான நேர அறுவை சிகிச்சை, பால் குடித்தல், பேச்சு வளர்ச்சி, முக வளர்ச்சி, சமூகத் தன்னம்பிக்கை ஆகியவற்றை மேம்படுத்தும். நீரிழிவு நோயாளிகளின் கால் புண்கள் விஷயத்தில், பலர் தொற்று கடுமையான பின்னரே வருகிறார்கள். சர்க்கரை நோயாளிக்கு விரைவில் ஆறாத எந்தப் புண்ணையும் தாமதிக்காமல் பரிசோதிக்க வேண்டும். முன்கூட்டிய சிகிச்சை, ஆழமான தொற்றைத் தடுத்து, காலைக் காப்பாற்றி, அறுவை சிகிச்சையில் உறுப்பை இழக்கும் அபாயத்தைக் கணிசமாகக் குறைக்கிறது.
அழகியல் அறுவை சிகிச்சை பற்றிய தவறான எண்ணங்களையும் களைய வேண்டும். சரியான காரணங்களுடனும் நடைமுறைக்கு ஏற்ற எதிர்பார்ப்புகளுடனும் செய்யும்போது அது சிறந்த பலன்களைத் தரும். ஆனால், இது ஆரோக்கியமான வாழ்க்கைமுறைக்கு மாற்றல்ல. லைபோசக்ஷன் என்பது எடை குறைப்பு அறுவை சிகிச்சை என்பது தவறான நம்பிக்கை. அது உடலின் குறிப்பிட்ட இடங்களில் தேங்கிய கொழுப்பை அகற்றி, உருவத்தைச் செப்பனிடும் முறையே. வயிற்றுத் தோல் இறுக்க அறுவை சிகிச்சையும் உடல் பருமனுக்கான தீர்வு அல்ல. எந்த அறுவை சிகிச்சைக்கும் வரம்புகள், குணமடைதல் காலம், சிறிது தழும்பு ஆகியவை உண்டு. இதன் குறிக்கோள் மேம்பாடே தவிர, முழுமையான பரிபூரணம் அல்ல. தகுதிவாய்ந்த மருத்துவருடன் வெளிப்படையாகக் கலந்துரையாடிய பிறகே முடிவெடுக்க வேண்டும்.
காவேரி மருத்துவமனையில், நுண்ணறுவை சிகிச்சை, விபத்து மறுசீரமைப்பு, தீக்காயப் பராமரிப்பு, கை அறுவை சிகிச்சை, புற்றுநோய் மறுசீரமைப்பு, நீரிழிவு நோய்க் கால் பராமரிப்பு, தழும்பு சீர்செய்தல், அழகியல் அறுவை சிகிச்சை என விரிவான சேவைகளை, நவீன தொழில்நுட்பத்துடனும் பல்துறை நிபுணர் குழுவுடனும் வழங்குகிறோம்.
இந்த உலக பிளாஸ்டிக் அறுவை சிகிச்சை தினத்தில் என் செய்தி எளிது: பிளாஸ்டிக் சர்ஜரி தோற்றத்தை மாற்றுவது மட்டுமல்ல; அது வாழ்க்கையையே மீட்டெடுப்பது. முன்கூட்டிய ஆலோசனையும் சரியான நேரத்தில் செய்யப்படும் சிகிச்சையும் பெரிய மாற்றத்தை உருவாக்கும்!
தீக்காயம் ஏற்பட்ட முதல் சில நிமிடங்களே மிக முக்கியம். பற்பசை, இட்லி மாவு, மஞ்சள், மை, காபித் தூள், எண்ணெய் போன்ற வீட்டு வைத்தியங்களைக் காயத்தின்மீது தடவுவது மிகப் பெரிய தவறு; இவை திசுச் சேதத்தையும் தொற்று அபாயத்தையும் அதிகரிக்கும். சரியான முதலுதவி எளிது: காயம் ஏற்பட்டவுடன், சுத்தமான ஓடும் தண்ணீரில் சுமார் 20 நிமிடம் அந்தப் பகுதியைக் காட்டவும்.
Dr. அருள்மொழி மங்கை, MBBS, MS(General Surgery), M.Ch (Plastic & Reconstructive Surgery) பிளாஸ்டிக் மற்றும் அழகியல் அறுவை சிகிச்சை நிபுணர் காவேரி மருத்துவமனை – சென்னை
Kauvery Hospital is globally known for its multidisciplinary services at all its Centers of Excellence, and for its comprehensive, Avant-Grade technology, especially in diagnostics and remedial care in heart diseases, transplantation, vascular and neurosciences medicine. Located in the heart of Trichy (Tennur, Royal Road and Alexandria Road (Cantonment), Chennai (Alwarpet, Radial Road & Vadapalani), Hosur, Salem, Tirunelveli and Bengaluru, the hospital also renders adult and paediatric trauma care.
Chennai Alwarpet – 044 4000 6000 • Chennai Radial Road – 044 6111 6111 • Chennai Vadapalani – 044 4000 6000 • Trichy – Cantonment – 0431 4077777 • Trichy – Heartcity – 0431 4077777 • Trichy – Tennur – 0431 4022555 • Maa Kauvery Trichy – 0431 4077777 • Kauvery Cancer Institute, Trichy – 0431 4077777 • Hosur – 04344 272727 • Salem – 0427 2677777 • Tirunelveli – 0462 4006000 • Bengaluru – 080 6801 68011
