பல் வலிக்கு மட்டுமே நாம் பல் மருத்துவரிடம் செல்கிறோம். ஆனால், பல்லைத் தாங்கி நிற்கும் ஈறுகளும் எலும்பும் பாதிக்கப்பட்டால், வலி வருவதற்குள் பல் ஆடத் தொடங்கிவிடும். வலியில்லாமல் அமைதியாக முன்னேறும் இந்த நிலைமையின் பெயர் பெரியோடாண்டியம் நோய் (Periodontal Disease). உறுதியான பற்கள் உணவை மென்று சாப்பிடவும், தெளிவாகப் பேசவும், அழகான புன்னகைக்கும் அடிப்படை. அந்தப் பற்களைத் தாங்கி நிற்பது ஆரோக்கியமான ஈறுகளும் எலும்பும்தான்.
எப்படித் தொடங்குகிறது? – H2
பல் தேய்க்கும்போது ஈறுகளில் ரத்தம் வருவது முதல் அறிகுறி. இதை ‘வழக்கம்தான்’ என்று பலரும் புறக்கணிக்கிறார்கள். ஈறுகள் சிவந்து வீங்குதல், சீழ் வடிதல், வாய் துர்நாற்றம், பற்களுக்கு இடையே இடைவெளி அதிகரித்தல், பல் ஆடுதல் ஆகியவை நோய் முன்னேறியதற்கான அறிகுறிகள். இந்த நிலையில் பல்லைத் தாங்கும் எலும்பு மெல்லச் சிதைகிறது. உரிய நேரத்தில் சிகிச்சை பெறாவிட்டால் பல்லையே இழக்க நேரிடும்.
புகையிலையும் வெற்றிலை பாக்கும் இந்த நோயை மிக வேகமாக மோசமாக்கும். புகைபிடித்தல் ஈறுகளுக்கு ரத்த ஓட்டத்தைக் குறைப்பதால், அறிகுறிகள்கூட மறைந்து நோய் கவனிக்கப்படாமல் முன்னேறும். எனவே, புகையிலைப் பழக்கம் உள்ளவர்கள் இந்த விஷயத்தில் மிகவும் எச்சரிக்கையாக இருக்க வேண்டும். நீரிழிவு உள்ளவர்களுக்கு இந்த நோய் விரைவாக முற்றும். ரத்தச் சர்க்கரையைக் கட்டுக்குள் வைப்பதும் ஈறுகளைக் காப்பதும் ஒன்றையொன்று சார்ந்தவை.
இது வெறும் வாய்ப் பிரச்னை அல்ல – H2
ஈறு நோய் வாய்க்குள் மட்டும் நிற்பதில்லை. இதயம், நுரையீரல், எலும்பு மூட்டு தொடர்பான நோய்களுடன் இதற்குத் தொடர்பு உண்டு என்று ஆய்வுகள் காட்டுகின்றன. குறிப்பாக நீரிழிவு நோயுடன் இதற்கு இருவழித் தொடர்பு உள்ளது. கட்டுப்பாடற்ற நீரிழிவு ஈறு நோயை மோசமாக்கும்; ஈறு நோய் ரத்தச் சர்க்கரையைக் கட்டுப்படுத்துவதைக் கடினமாக்கும். இதனால்தான் ஈறு நோய் நீரிழிவின் ஆறாவது சிக்கல் (sixth complication of diabetes) என்றே மருத்துவ உலகில் அழைக்கப்படுகிறது. எனவே, நீரிழிவு உள்ளவர்கள் ஈறு ஆரோக்கியத்தில் கூடுதல் கவனம் செலுத்த வேண்டும்.
எப்படிக் கண்டறிவது – H3
பல் மருத்துவர் நேரடியாக ஈறுகளைப் பரிசோதிப்பதோடு, தேவைப்பட்டால் எக்ஸ்ரே, ஓபிஜி (OPG), சிபிசிடி ஸ்கேன் (CBCT) போன்ற படக் காட்சிச் சோதனைகள் மூலம் எலும்பு எவ்வளவு சிதைந்துள்ளது என்பதைக் கணிக்கிறார். நோயின் தீவிரத்தைப் பொறுத்து சிகிச்சை முடிவு செய்யப்படுகிறது.
எளிமையான சிகிச்சை முதல் அறுவைசிகிச்சை வரை – H3
ஆரம்ப நிலையில் ஸ்கேலிங் (Scaling) மற்றும் ரூட் பிளானிங் (Root Planing) மூலம் பல்லிலும் ஈற்றுக்கு அடியிலும் படிந்துள்ள அழுக்கையும் பாக்டீரியாவையும் நீக்கினாலே பெரும்பாலான நோய் கட்டுக்குள் வந்துவிடும். ஸ்கேலிங் பல்லைத் தேய்த்து வலுவிழக்கச் செய்யும் என்பது தவறான நம்பிக்கை.
நோய் தீவிரமாகி எலும்பு கணிசமாகச் சிதைந்திருந்தால் அறுவை சிகிச்சை தேவைப்படலாம். இன்று செயற்கை எலும்புத் துகள்கள் (Bone Graft), பிஆர்எஃப் மற்றும் ஜிடிஆர் சவ்வுகள் (PRF, GTR Membrane) போன்ற நவீன முறைகள் மூலம் சிதைந்த எலும்பை மீண்டும் வளரச் செய்து பல்லைப் பல ஆண்டுகள் காப்பாற்ற முடிகிறது. இது இழந்ததை மீட்கும் மறுவாழ்வுச் சிகிச்சை.
வீட்டிலேயே தடுக்கலாம்! – H3
நாள்தோறும் இருமுறை சரியான முறையில் பல் தேய்ப்பது அடிப்படை. அதோடு பற்களுக்கு இடையே சேரும் அழுக்கை நீக்க டென்டல் ஃப்ளாஸ் (Dental Floss), இடைப்பல் தூரிகை (Interdental Brush), வாய் கொப்பளிப்பான் ஆகியவற்றைப் பயன்படுத்தலாம்.
ஆண்டுக்கு ஒருமுறையேனும் பல் மருத்துவரிடம் பரிசோதனை செய்துகொள்வதும், ஈறுகளில் ரத்தம் வந்தால் தாமதிக்காமல் மருத்துவரை அணுகுவதும் பல்லைக் காக்கும்.
Dr. K. சரவணன் BDS, MDS, MOMS, RCPS (Glasg) வாய் மற்றும் தாடை அறுவை சிகிச்சை நிபுணர் காவேரி மருத்துவமனை – சேலம்
Kauvery Hospital is globally known for its multidisciplinary services at all its Centers of Excellence, and for its comprehensive, Avant-Grade technology, especially in diagnostics and remedial care in heart diseases, transplantation, vascular and neurosciences medicine. Located in the heart of Trichy (Tennur, Royal Road and Alexandria Road (Cantonment), Chennai (Alwarpet, Radial Road & Vadapalani), Hosur, Salem, Tirunelveli and Bengaluru, the hospital also renders adult and paediatric trauma care.
Chennai Alwarpet – 044 4000 6000 • Chennai Radial Road – 044 6111 6111 • Chennai Vadapalani – 044 4000 6000 • Trichy – Cantonment – 0431 4077777 • Trichy – Heartcity – 0431 4077777 • Trichy – Tennur – 0431 4022555 • Maa Kauvery Trichy – 0431 4077777 • Kauvery Cancer Institute, Trichy – 0431 4077777 • Hosur – 04344 272727 • Salem – 0427 2677777 • Tirunelveli – 0462 4006000 • Bengaluru – 080 6801 68011
