குளிர்காலம் நெருங்கும்போது இருமல் சத்தம் கேட்டாலே பதற்றம் ஏற்படுகிறதா? சாதாரண சளி-காய்ச்சலா அல்லது நிமோனியா போன்ற கடுமையான நுரையீரல் தொற்றா என்கிற குழப்பம் பலருக்கும் உண்டு. காவேரி மருத்துவமனையின் நுரையீரல் நோய் சிறப்பு மருத்துவர் டாக்டர் ராமசுப்ரமணியம் பகிரும் முக்கிய தகவல்கள் இங்கே…
ஒரு சுவாச நோய்த்தொற்றின் தீவிரத்தை நிர்ணயிப்பது கிருமி அல்ல; நமது நோய் எதிர்ப்பு சக்திதான்! வலிமையான நோய் எதிர்ப்பு சக்தி கொண்டவர்களுக்கு பாக்டீரியா அல்லது வைரஸ் தாக்குதல் சாதாரண சளியாக மட்டுமே வெளிப்படும். சில நாட்களில் தானாகவே சரியாகிவிடும். ஆனால், பலவீனமான நோய் எதிர்ப்பு சக்தி உள்ளவர்களுக்கு அதே கிருமி கீழ் சுவாசப் பாதைக்குச் சென்று கடுமையான நிமோனியாவாக மாறி, சுவாசப் பிரச்னைக்கும் மரணத்துக்கும்கூட வழிவகுக்கும்.
குறிப்பாக – கட்டுப்பாடில்லாத சர்க்கரை நோய், நாள்பட்ட சிறுநீரக நோய், கல்லீரல் நோய், புற்றுநோய் உள்ளவர்கள் மிகவும் கவனமாக இருக்க வேண்டும்.
‘ஆன்டிபயாடிக் எதிர்ப்பு சக்தி என்பது பெரும் பிரச்னையாக உருவாகிவருகிறது’ என்கிறார் டாக்டர் ராமசுப்ரமணியம். பலர் மருந்துக்கடையில் மருத்துவரின் பரிந்துரை இன்றி ஆன்டிபயாடிக் மற்றும் ஸ்டீராய்டு கலந்த ‘காக்டெய்ல்’ மருந்துகளை வாங்கி, ஒன்று இரண்டு டோஸ் எடுத்துவிட்டு நிறுத்திவிடுகிறார்கள். இது பாக்டீரியாவுக்கு மருந்துகளை எதிர்த்துப் போராடும் சக்தியைக் கொடுக்கிறது.
முக்கியமாக, பெரும்பாலான குளிர்கால நோய்த்தொற்றுகள் வைரஸ் காரணமானவை. இவற்றுக்கு ஆன்டிபயாடிக் பலனளிக்காது. தேவையில்லாமல் பயன்படுத்துவது ஆபத்தான எதிர்ப்பு சக்தி சுழற்சியையே உருவாக்குகிறது.
முன்பு நிமோகோக்கல் நிமோனியா தடுப்பூசி முறை சிக்கலானதாக இருந்தது. PCV13 மற்றும் PPSV23 என இரண்டு ஊசிகளை வாரங்கள் அல்லது வருட இடைவெளியில் போட வேண்டியிருந்தது. இப்போது PCV20 என்ற புதிய தடுப்பூசி வந்துவிட்டது.
65 வயதுக்கு மேற்பட்டவர்கள் மற்றும் 65 வயதுக்குக் கீழ் சர்க்கரை நோய், இதய நோய், ஆஸ்துமா போன்ற பிரச்னைகள் உள்ளவர்களுக்கு ஒரே ஓர் ஊசி போதும்!
“இயற்கையான நோய் எதிர்ப்பு சக்தியை அதிகரிப்பதே சிறந்த தடுப்பு முறை’’ என்கிறார் டாக்டர். முதலில் புகைப்பிடித்தல் மற்றும் மது அருந்துதலை முற்றிலும் நிறுத்த வேண்டும். இது கட்டாயம்!
வாரத்துக்கு குறைந்தது 150 நிமிடங்கள் உடற்பயிற்சி அவசியம். நடைப்பயிற்சியோடு எடை தூக்கும் பயிற்சியும் முக்கியம். உணவில் உடல் எடையில் ஒரு கிலோவுக்கு ஒரு கிராம் புரதம் சேர்க்க வேண்டும். உதாரணமாக, 60 கிலோ எடை உள்ளவர் தினமும் 60 கிராம் புரதம் எடுக்க வேண்டும்.
மழையில் நனைவதால் நோய் வரும் என்பது பெரும்பாலும் மூடநம்பிக்கை. இன்றைய சூழலிலோ காற்று மாசுபாடு காரணமாக மழைநீர் தூய்மையற்றதாக உள்ளது. இதில் நனைவது காய்ச்சல் மற்றும் நோய்த்தொற்றுக்கு வழிவகுக்கும். மழையில் நனைந்தால் உடனடியாக வீடு சென்று குளித்து சுத்தமாகத் துடைத்துக்கொள்வது நல்லது.
நிமோனியாவை எதிர்த்துப் போராடுவது கிருமிகளைத் தவிர்ப்பதல்ல; சவாலை எதிர்கொள்ளத் தயாராக இருக்கும் உடலை உருவாக்குவதுதான். உங்கள் நோய் எதிர்ப்பு சக்தியே உங்கள் சிறந்த பாதுகாப்பு!
Dr. ராமசுப்ரமணியம் கே MBBS, DTCD, DNB(Pulmonary Medicine), a Fellowship in Intervention Pulmonology and Thoracic Oncology நுரையீரல் நோய் சிறப்பு மருத்துவர் காவேரி மருத்துவமனை, திருச்சி – தென்னூர்
Kauvery Hospital is globally known for its multidisciplinary services at all its Centers of Excellence, and for its comprehensive, Avant-Grade technology, especially in diagnostics and remedial care in heart diseases, transplantation, vascular and neurosciences medicine. Located in the heart of Trichy (Tennur, Royal Road and Alexandria Road (Cantonment), Chennai (Alwarpet, Radial Road & Vadapalani), Hosur, Salem, Tirunelveli and Bengaluru, the hospital also renders adult and paediatric trauma care.
Chennai Alwarpet – 044 4000 6000 • Chennai Radial Road – 044 6111 6111 • Chennai Vadapalani – 044 4000 6000 • Trichy – Cantonment – 0431 4077777 • Trichy – Heartcity – 0431 4077777 • Trichy – Tennur – 0431 4022555 • Maa Kauvery Trichy – 0431 4077777 • Kauvery Cancer Institute, Trichy – 0431 4077777 • Hosur – 04344 272727 • Salem – 0427 2677777 • Tirunelveli – 0462 4006000 • Bengaluru – 080 6801 68011
